yasmeeena
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

yasmeeena

منتدى شباب المستقبل
 
الرئيسيةالبوابةأحدث الصورالتسجيلدخول

 

 الكوسة !!!!!!!!!!!!

اذهب الى الأسفل 
كاتب الموضوعرسالة
HOOBA
مشرف
مشرف
HOOBA


عدد المساهمات : 166
تاريخ التسجيل : 08/08/2009
العمر : 39

الكوسة !!!!!!!!!!!! Empty
مُساهمةموضوع: الكوسة !!!!!!!!!!!!   الكوسة !!!!!!!!!!!! Icon_minitime1الأربعاء أكتوبر 14, 2009 5:13 am

الكوسة




معشوقة الشعب المصرى الأولى ,
اللى معاه كوسه يمين اللى موش معاه كوسه شمال ,
الكوسه الكبيرة فى الأول الصغيرة فى الآخر واللى معهوش ميلزموش ,

وكما قال الشاعر يا مصر لو نيلك صلصة موش هتكفيكى الكوسة اللى فيكى ,
وكوسة كوسة كوسة كلنا كدا عاوزين كوسة كوسة للشعب المصرى المطحون تحت الراية الموكوسه ,

شعار أى مصلحة حكومية ابقجنى تجدنى متابجنيش متلاقنيش ,

وكل واحد فاتح الدرج بتاعه مبيتكلمش أيوه طبعاً موش مرتشى بيقبل الهدايا بس
,


فى الكلية ومعاك ابن دكتور فى الجامعة وراسم على إنك تطلع معيد كبر دماغك أحسن أو حول قسم هوا موش فيه ,

اصل هتفضل تتطلع الأول وفى آخر سنة هتتقلب ويتعين هوا وابقى قابلنى لو عرفت تعمل حاجة ,



حبايبنا بتوع الكلية الحربية اللى بيقدموا بالالاف وبيقفوا فى طوابير طويلة عريضه ,

ويجى واحد معدى جمبك زيك زيه بس الفرق معاه واسطه وواخد ملفه وبيمضى وبس ,
ولا كشف طبى ولا أى حاجة ولو عديت من الكلام دا من غير كوسه هتطلع كشف هيئة ,
علشان ممعكش كوسة كنت خدلك اتنين كيلو قبل ما تروح :d ,

بس دى متنفعش التانية غالية شويه وموجودة فى السوق بس للى يقدر ,


المهم علشان ممكن نقول مواقف للسنة اللى جايه وموش هنخلص بردوا ,


حبيت افتح الموضوع دا لأن فى ناس كتير نفسها تخرج اللى جواها ,


وشويه أسئلة بسيطة كده علشان الموضوع


,


إيه رأيك فى الكوسة ويا ترى بتحبها ؟؟؟

أنا بتكلم على الكوسة العادية بتاعه المحشى دى محدش يفهمنى صح


,


يا ترى بتعمل إيه لو كان ليك فرصة فى أى حاجة وشايف إنها من حقك ,
والكوسة ضيعتها منك ويا ترى بيبقى إحساسك إيه ؟؟؟

استخدمت الكوسة قبل كدا فى تحقيق أى هدف فمن أهدافك ؟؟؟
ولو أدامك تستخدمها هتستخدمها ولا لأ ؟؟؟

احكيلنا عن موقف حصل معاك أو أدامك وطبعاً الكوسة هيه العامل الرئيسى فى الموقف ؟؟؟

وطبعاً ليك حرية الرأى الكامل فى التعبير وطرح نقط جديدة للنقاش ,

وسؤال بقه للطلبة المتفوقين ... إيه علاقة الكوسة بالواسطة ,
الرجوع الى أعلى الصفحة اذهب الى الأسفل
HOOBA
مشرف
مشرف
HOOBA


عدد المساهمات : 166
تاريخ التسجيل : 08/08/2009
العمر : 39

الكوسة !!!!!!!!!!!! Empty
مُساهمةموضوع: رد: الكوسة !!!!!!!!!!!!   الكوسة !!!!!!!!!!!! Icon_minitime1الأربعاء أكتوبر 14, 2009 6:15 am

هتكلم عن نفسى الاول بما انى اللى حاطة الموضوع

اكيد طبعا بعشق الكوسة وياسلام عليها بقى باللحمة وااااااو ههههههههه

واكيد يعنى الكوسة قرفانة فى كل حاجة فى حياتنا ولو ادخلت الكوسة فى تحقيق اهدافى

احساسى بيبقى صعب جدا اكيد هحس بالظلم والقهر ممكن احاول مرة واتنين بس للاسف

الكوسة هى اللى بتكسب هههههه وعن نفسى معنديش كوسة اصلا عشان استخدمها حتى

لو متاحة قدامى فأنا برفضها جدا لان الرشوة أصلا حرام وربنا نهى عنها وغير كدة لو ليا

نصيب فى حاجة ربنا كاتبهالى اكيد هشوفها وبما انى جربتها قبل كدة يعنى فى مواقف كتيرحصلتلى

وحصلت لناس اعرفهم ومنهم انا لما اتظلمت فى تعيينى معيدة بكليتى مع ان دة من حقى اكيد برضه

شوفت كوسة بس هنعمل ايه البلد بقت بايظة ومش ماشية غير بالكوسة ومعانا ربنا بقى

ومستنية ردودكم
الرجوع الى أعلى الصفحة اذهب الى الأسفل
 
الكوسة !!!!!!!!!!!!
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
yasmeeena :: القسم العام :: مناقشة ومواضيع عامة-
انتقل الى: