yasmeeena

منتدى شباب المستقبل
 
الرئيسيةالبوابةالتسجيلدخول

شاطر | 
 

 حتى ابليس عايز يطفش من مصر

اذهب الى الأسفل 
كاتب الموضوعرسالة
HOOBA
مشرف
مشرف
avatar

عدد المساهمات : 166
تاريخ التسجيل : 08/08/2009
العمر : 34

مُساهمةموضوع: حتى ابليس عايز يطفش من مصر   الخميس نوفمبر 05, 2009 12:42 am

حتى ابليس عايز يطفش من مصر


كلمات للشاعر على سلامة


على باب سفارة كندا


على باب سفارة كندا.. لمحت إبليس و ف إيده استماره..

باقول له على فين.. قاللي بص .. يا هجرة ..يا إعارة.....

يا عم زهقت.. كفرت .. ألاقيش معاك سيجارة..

أنا انتهيت خلاص .. لا نافع وسواس ولا خناس

ولا ليا عيش وسط الناس..

دي عالم مجرمين.. عندكوا فائض ف الفساد..

في كل البلاد..

ومش محتاجين شياطين .. ماليش عيش ف دي البلاد

بقالي سنين عاطل .

و انتوا بتعرفوا تقلبوا الحق باطل..

و تسلكوا القاتل .. و تمشوا ف جنازة المقتول..

ومافيش مشاكل..

يا عم ده انا بقيت أوسوس بالمقلوب..

و أقول للحرامي .. كفاية بقى .. توووووب..

إنت إيه.. لوحدك هاتعمل كل الذنوب..؟؟

و أنا إبليس أشتغل واعظ .. ولا كمساري ف اتوبيس..

يا عم ده أنا زمان

كنت أستنى حد ينسى يسمي وهو بياكل لقمته..

دلوقتي كل أكلكم ملوث .. و بصراحه الواحد خايف على صحته..

ده مافيش ضمير أساساً عشان أموته..

و كل واحد بمزاجه .. خربانة ذمته..


يا عم ده كل حاجة إتسرقت..

وكده الأجيال الجديدة م الحرامية إتظلمت..

يا راجل ده من كتر ما لطشت معايا..

خرجت ف مظاهرة مع الناس اللي بتقول كفاية..

و برضه ......... مافيش فايدة

_________________


الرجوع الى أعلى الصفحة اذهب الى الأسفل
 
حتى ابليس عايز يطفش من مصر
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
yasmeeena :: الياسمين :: شباب وبنات-
انتقل الى: