[b]اسف ليه هو انت دوست على رجلى ؟؟ [/b]

[i][u][center]اسف لية هو انت دوست على رجلى؟؟؟؟؟؟؟؟؟

كانت نازلة على السلم والدنيا كحل ف وشها
وهو قابلها على السلم وقالها :

انا اسف

ردت وقالتله : على ايه هو انت دوست على رجلى من غير ما تقصد ؟!!

انا بتكلم على مين بقي ؟

دا سؤال مهم

انا بحكى على منى زكى وكريم عبد العزيز ف مشهد من فيلم اضحك الصورة تطلع حلوة

ايه بقي الموضوع ؟

اكيد اغلبكم شفتوا الفيلم ده
القصة انهم كانوا بيحبوا بعض جدا وبعدين فجاة سابها وخطب واحدة تانية

ولما عرفت الخبر كانت مخنوقة وهتموت لما شافها قالها : اسف ردت وقالتله : على ايه انت دوست على رجلى من غير ما تقصد ؟!!

ايه اللى انا عايزة اقوله من دا كله ؟

دا سؤال اهم

لما بتدوس على رجل واحد ف الشارع من غير ما تقصد
بيكون كافى ان احنا تقوله

اسف/ة

لكن لما تجرح حد بتحبه جرح كبير يا تري المفروض برضو
تقول نفس الكلمة السخيفة!!!

اسف/ة

وتقدرتقول بقى الاسف هيعمل ايه ؟
هيرجع الدنيا بمبى بعد ما بقيت كحلى مش عايزه اقول سوده كمان ؟

ولا هينسينا الايام والذكريات وكل الحاجات ؟
كل واحد فينا كم مرة جرح او هان حد بيحبه وبعدين رجع بكل سخافة وقاله اسف ؟

دا باعتبار ان الكلمة دى بتعوض الالم والليالى الحزينة اللى الواحد ممكن يعيشها لو اتجرح من حد بيحبه ؟

كام مرة اتجرحت او جرحت حبيبك ؟
امك او ابوك او خطيبك او خطيبتك او جوزك او مراتك او ابنك او بنتك او صاحبك او حتى اي شخص بجد ميستاهلش ده منك ؟؟
ورجعت وقلت

اسف !!

بصوا بقي

قدامنا حلين

يا اما نفكر مليون مره قبل ما نجرح

او ندور على تكفير للى عملناه غير الكلمة دى

لان ما ينفعش نساوى الدوس على الرجل من غير قصد مع جرح القلب

مش كدا ولا ايه.........؟؟

ملطووووووووووووووووووووووش

[b]اسف ليه هو انت دوست على رجلى ؟؟ [/b] 9449638zk5

بجد موضوع رائع جدا من عضوه متميزه
وفعلا الموضوع ده مهم اوى لان فى
حاجات كتير الاسف مينفعش فيها وميداويش
الالم اللى الواحد بيحس بيه وبجد انا شايفه ان
لو كل واحد حط نفسه مكان الشخص اللى بيجرحه
مكنش حد حيجرح حد بس الانسان بطبيعته انانى
ومبيفكرش غير فى نفسه وبيبص للى بيجرحه
ومبيهموش هو جرح مين ولا الجرح ده ممكن يكون
سببله ايه بجد اتمنى ان كل واحد يفكر قبل مايجرح
لان الجرح ده صعب اوى.

ومستنيه باقى الاعضاء يشاركونا ويقولوا رايهم فى
الموضوع المهم اوى ده لا اكيد كل واحد اكيد مر بجرح
فحياته ومش شرط يكون من حبيب/ة ممكن يكون زى
ماقالت صاحبه الموضوع من صديق/ة او اخ/ت من اى
حد موجود فى حياتنا.

بجد مواضيعك جميلة اوى... و عندك حق فعلا الموضوع دة صعب جدا الجرح والالم دى حاجة كبيرة جدا محدش هيحس

بيها الا اللى جربها سوا ء زى ما قلته من احباب او اصدقاء أو غيرهم لان اللى بيجرح مابيقدرش مقدار المعاناة اللى

بيعيشها الشخص المجروح وكأن الجرح والالم شىء عادى المفروض الشخص يعيشه وللاسف الواحد لما بيحب حد

بشدة جدا وبيخلصله اوى بيكون غدره ليه صدمة كبيرة صعب نسيانها وصعب انها تتمحى بكلمة أو أسف ومن رأى أن

الشخص اللى بيجرح دة أكيد محبش بصدق واخلاص وخسارة اى لحظة تفكير فيه وبالعكس احسن حل للمجروح نسيانه

بسرعة والتغلب على الالم واكيد ان ربنا انقذه من شخص غدار مايستحقش حتى الكلام عنه

[b]اسف ليه هو انت دوست على رجلى ؟؟ [/b] Image-ddbdaeaac7

[center][b] flower

ميرسى يا جماعة عالكلام الجميل الجميل ده
وهو فعلا الموضوع صعب اكيد ان حد يجرح حد ويفتكر ان مجرد كلمة اسف كفاية[/center[/b]]