====حكاية الواد ويا البنت=====

النهارده احكيلكم حكايه
حكايه جميله عن ولد وبنت
اطفال يعنى صغار فى السن
كانوا جيران فى زمن القرش
لعب الواد ويا البنت نط الحبل
مصروف واحد على اتنين
دخل الواد ويا البنت مدرسه حلوه
كان الواد بيخاف على البنت
جابها معاه فى نفس الصف
عدت سنه---وراها سنه
والواد ايده فى ايد البنت
كل الحته عارفه ان
الواد -ده- هياخد البنت
كبر الواد شهامه ورجوله
وشنبه خلاص يعينى -خط
اما البنت سبحان من صور
جمال وحلاوة فوق الوصف
دخل الواد ويا البنت كليه جميله
ذاد الحب فى قلب الواد
اما البنت حياتها معاه
خلصو ا جامعه
اشتغل الواد معيد فى الجامعه
جات الخطوه
راح الواد لابو البنت
طلب الواد ايد البنت
فرحه كبيره فى عيون البنت
دخل الواد كان على اده
طلب الوالد مهر وشبكه
فوق الحد وفوق الوصف
قال الواد خطوه بخطوه
حبى وحبها يكفى العالم
قالت البنت انا عايزاه
هو حبيبى وكل الدنيا
ومن غيره هو انا مسواش
رد الوالد لعب عيال
من غير قرشك انت متسوا
خرج الواد حزين مكسور
اما البنت يعينى عليها
حزن وهم واكل مفيش
راح الواد يقابل البنت
فوق الواد هم جبال
يعمل ايه فى دنيا القرش
قالت البنت انت العالم
يلا نروح لاقرب ماذون
ننسى الدنيا واللى عليها
ونرجع تانى صغار فى السن
رفض الواد وقالها اهلك
كلام الناس مبيرحمش
ماهو اصله جدع وشهم كتير
قالت البنت موج البحر ارحم ليا
بعدك عنى يعنى الموت
رد الواد ايدى فى ايدك
نرجع تانى صغار فى السن
بس المره ديه تحت الميه
نزلوا الميه دابو فى البحر
شافهم واحد قاعد على الشط
نادى وقال غريق فى البحر
نزلوا بسرعه سحبو الواد ويا البنت
ايد الواد فى ايد البنت
جسوا النبض داسوا على الصدر
لسه النفس جوه الصدر
عرف الوالد باللى جرى -جرى على البنت
بنتى حبيبتى انا متاسف
بنتى حبيبتى دة الموت كفر
قالت البنت
انا وحبيبى كان نفسنا نرجع تانى صغار فى السن
عرف الوالد بكلام الواد
شهامه ورجوله واخلاق عاليه
قال الوالد انت اليوم فى مقام الابن
ايدها فى ايدك وابنوا حياتكوا خطوه بخطوه
وارجعوا تانى صغار فى السن
بس بشرط
صاح الواد ويا البنت
تانى شرط
قال الوالد حفيدى حبيبى
يكون على اسمى
وارجعوا تانى صغار فى السن

شكرا ياجميلة الملكات

وفعلا احنا مفتقدين الحب اللى من النوع ده

بقى حب خيالى بالنسبالنا بنشوفه فى الافلام

والمسلسلات التركي طبعا هههههههههه